ഒരിക്കല്‍ ഗുരു ശിഷ്യന് ഒരു പാത്രം കൊടുത്തിട്ട് പറഞ്ഞു: ഈ പാത്രം വെള്ളത്തിലിടണം പക്ഷേ, ചെരിഞ്ഞു പോകരുത്. ഗുരുവിന്റെ ശിഷ്യരില്‍ ഏറ്റവും ബുദ്ധിമാനും മിടുക്കനും താനാണ് എന്നൊരു അഹങ്കാരം അവനുണ്ടായിരുന്നു. അയാള്‍ പാത്രം വെള്ളത്തിലിട്ടു. പക്ഷേ, പാത്രം ചെരിഞ്ഞു. ആ പാത്രത്തിന്റെ മൂടിക്ക് പാത്രത്തിനേക്കാള്‍ ഭാരം ഉണ്ടായിരുന്നു. ആ പാത്രത്തില്‍ കുറച്ച് കല്ലുകള്‍ പെറുക്കിയിടാന്‍ ഗുരു ആവശ്യപ്പെട്ടു. അയാള്‍ ആ പാത്രം എടുത്ത് കുറച്ച് കല്ലുകള്‍ പെറുക്കി അതിലിട്ടു. അതോടെ പാത്രത്തിനകത്ത് അടപ്പിനേക്കാള്‍ ഭാരമായി. പിന്നീട് വെള്ളത്തിലിട്ടപ്പോള്‍ പാത്രം ചെരിയാതെ തന്നെ നിന്നു. അപ്പോള്‍ ഗുരു പറഞ്ഞു: തലയ്ക്ക് മാത്രം കനമുളള അഹങ്കാരികള്‍ ഈ പാത്രം പോലെ ചെരിഞ്ഞു വീഴും. ഗുരു എന്താണ് വ്യക്തിമാക്കിയത് എന്ന് ശിഷ്യന് മനസ്സിലായി. അതിനുശേഷം അഹങ്കാരമില്ലാത്ത നല്ലൊരു ശിഷ്യനായി അയാള്‍ മാറി. ഈ ഗുരു പഠിപ്പിച്ച പാഠം നമുക്കും പ്രാവര്‍ത്തികമാക്കാം.. തലക്കനമില്ലാത്തവരായി ജീവിക്കാം - ശുഭദിനം.
0 comments:
Post a Comment